ٹیرر فنڈنگ پر این آئی اے کی بڑی کارروائی، کئی مقامات پر چھاپہ

ٹیرر فنڈنگ پر این آئی اے کی بڑی کارروائی، کئی مقامات پر چھاپہ

نئی دہلی ،5اکتوبر ( آئی این ایس انڈیا )

نیشنل انوسٹی گیشن ایجنسی نے دہشت گردوں کی فنڈنگ کے حوالے سے بڑی کارروائی کی ہے۔ این آئی اے نے جموں کشمیر اور مہاراشٹر کی پانچ ریاستوں میں چھاپے مارے۔ دہشت گردوں کی فنڈنگ کیخلاف کارروائی کرتے ہوئے این آئی اے نے تقریباً 22 مقامات پر چھاپے مارے۔این آئی اے نے چھاپے کے بعد 4 مشتبہ لوگوں کو حراست میں لے لیا۔ مہاراشٹر کے جالنا ضلع سے 2 افراد کو حراست میں لیا گیا، جبکہ 1 شخص کو اورنگ آباد اور 1 شخص کو مالے گاؤں سے حراست میں لیا گیا۔

ان چاروں مشتبہ افراد سے پوچھ گچھ کی جا رہی ہے اور ذرائع کے مطابق مبینہ طور پر ان چاروں کا تعلق دہشت گرد تنظیم جیش محمد سے بتایاگیاہے۔این آئی اے نے جموں و کشمیر کے بارہمولہ میں بھی چھاپہ مارا ہے۔ یہ چھاپہ دہشت گردی کے واقعات کی تحقیقات کے لیے کیا گیا ہے۔اس کے علاوہ جموں و کشمیر اور مہاراشٹر کے ساتھ ساتھ دارالحکومت دہلی، اتر پردیش اور آسام میں این آئی اے کے چھاپے جاری ہیں۔ یہ چھاپہ جیش محمد دہشت گرد تنظیم کی دہشت گردی کی فنڈنگ کے سلسلے میں مارا جا رہا ہے۔اس سے قبل این آئی اے نے 28 جون 2024 کو مہاراشٹر اور گجرات میں چھاپے مارے تھے۔

این آئی اے نے 2021 کے وشاکھاپٹنم پاکستانی آئی ایس آئی جاسوسی کیس میں ملوث لوگوں کے خلاف مقدمہ چلانے کے لیے کارروائی کی تھی۔ اس چھاپے کے دوران این آئی اے نے مشتبہ افراد کے موبائل فون اور دستاویزات ضبط کر لیے تھے۔مہاراشٹر میں نومبر کے مہینے میں اسمبلی انتخابات ہونے جا رہے ہیں۔ ایسے میں جہاں الیکشن اتنے قریب ہیں۔ دوسری جانب ملک دشمن سرگرمیوں کے لیے فنڈنگ کا معاملہ سامنے آرہا ہے۔

اس کی وجہ سے این آئی اے ایکشن موڈ میں نظر آرہی ہے۔ چاروں مشتبہ افراد سے پوچھ گچھ کی جا رہی ہے اور ہر قسم کی معلومات اکٹھی کی جا رہی ہیں۔ دوسری جانب جموں و کشمیر میں بھی چھاپے مارے گئے ہیں۔ اگرچہ جموں و کشمیر میں انتخابات مکمل ہو چکے ہیں ؛لیکن نتائج آنا باقی ہیں، غور طلب ہے کہ جموں و کشمیر انتخابات کے نتائج 8 اکتوبر کو سامنے آئیں گے۔