ڈیموکریٹک پروگریسو آزاد پارٹی (ڈی پی اے پی) کے چیئرمین اور سابق وزیر اعلیٰ غلام نبی آزاد نے یتی نرسنگھانند کی طرف سے پیغمبر اسلام صلی اللہ علیہ وسلم کی شان میں کی گئی گستاخی کی شدید مذمت کی ہے۔انہوں نے کہا کہ اس طرح کی نفرت انگیز تقریر ہماری قوم کی ہم آہنگی اور ساکھ کو داغدار کرتی ہے۔
موصوف چیئرمین نے اتوار کے روز ایکس پر اپنے ایک پوسٹ میں کہا کہ میں یتی نرسنگھ نند کی طرف سے پیغمبر اسلام صلی اللہ علیہ وسلم کیخلاف توہین آمیز ریمارکس کی شدید مذمت کرتا ہوں۔
انہوں نے کہاکہ اس کیخلاف فوری اور سخت کارروائی کی جانی چاہئے اس طرح کی نفرت انگیز تقریر ہماری قوم کی ہم آہنگی اور ساکھ کو داغدار کرتی ہے۔ان کا پوسٹ میں مزید کہنا تھاکہ کسی بھی فرد کو کسی مذہب یا عقیدے کی توہین کرنے کی اجازت نہیں ہونی چاہئے۔
