آج کل سوشل میڈیا پر نام اور پیسہ کمانا جتنا آسان ہو گیا ہے، اپنی نجی زندگی کو بچا کر رکھنا اتنا ہی مشکل ہے۔ جب آپ ایک بار مشہور ہو جاتے ہیں، تو آپ کی پہچان آپ کے گھر کے پتے سے نہیں، بلکہ آپ کے برانڈ سے ہوتی ہے۔ ایسا ہی کچھ بیلجیم کی رہنے والی 30 سالہ مشہور ماڈل اور انفلوئنسر میکومی ہوکینا کے ساتھ ہوا۔ میکومی اپنے انوکھے گوتھ لک، خود سے بنائے گئے فینٹسی آرمر (جادوئی زرہ والے کاسٹیوم) اور آن لائن کنٹینٹ کے دم پر سوشل میڈیا پر لاکھوں دلوں پر راج کرتی ہیں۔ ان کا بزنس سالانہ کروڑوں روپے کا ٹرن اوور دیتا ہے۔ لیکن اس چمک دمک سے تنگ آ کر جب انہوں نے سکون سے زندگی گزارنے کے لیے ایک چھوٹے سے گاؤں کا رخ کیا، تو فینس نے وہاں بھی ان کے لیے مشکلیں کھڑی کر دیں۔
میکومی پہلے بیلجیم کے دارالحکومت برسلز میں رہتی تھیں۔ مسلسل لوگوں کے درمیان گھرے رہنے اور اپنی پرائیویسی چھن جانے کے باعث انہوں نے برسلز چھوڑنے کا فیصلہ کیا۔ وہ ایک ایسے چھوٹے سے بیلجیئن گاؤں میں جا کر رہنے لگیں، جس کی کل آبادی محض 200 لوگوں کی ہے۔ میکومی کا ماننا تھا کہ اتنے چھوٹے گاؤں کے کریانہ اسٹور یا سپر مارکیٹ میں انہیں شاید ہی کوئی پہچان پائے گا اور وہ آرام سے اپنی زندگی گزار سکیں گی۔ لیکن ایسا بالکل نہیں ہوا۔ فینس انہیں ایئرپورٹ، فلائٹس اور یہاں تک کہ گاؤں کے لوکل سپر مارکیٹ میں بھی پہچان لیتے ہیں۔ میکومی نے حال ہی میں اپنے ساتھ ہونے والی دو واقعات کا ذکر کیا۔ پہلا واقعہ صبح 5 بجے کا ہے، جب وہ اپنی فیملی کے ساتھ فلائٹ پکڑنے کے لیے ایئرپورٹ پر تھیں۔
انہوں نے کہا کہ ایک مداح ان کے پاس آیا اور پوچھا، “کیا آپ میکومی ہیں؟” صبح کا وقت تھا اور میکومی اپنی فیملی کے ساتھ تھیں، اس لیے انہوں نے انکار کر دیا کہ وہ میکومی نہیں ہیں۔ لیکن اس شخص کو میکومی کے انکار سے کوئی فرق نہیں پڑا۔ اس نے زبردستی میکومی کے گلے میں ہاتھ ڈالا اور بغیر ان کی مرضی کے ایک سیلفی کھینچ لی۔ میکومی نے بتایا کہ یہ انتہائی عجیب اور ڈراؤنا تھا۔ تاہم کچھ اچھے فینس بھی ہوتے ہیں۔ ایک فلائٹ اٹینڈنٹ نے انہیں پہچانا، تو اس نے پہلے انسٹاگرام پر میسج کرکے آٹوگراف دینے کی درخواست کی اور مرضی جاننے کے بعد ہی کارڈ اور پین لے کر پاس آیا۔
کالج چھوڑا، پلے بوائے کی ڈاکیومنٹری نے بنایا اسٹار
میکومی نے اپنی زندگی میں دو بار کالج چھوڑا اور پھر مکمل طور پر تخلیقی میدان میں آ گئیں۔ وہ ہاتھ سے انتہائی حقیقی اور انوکھے فینٹسی ملبوسات بناتی ہیں، جنہیں پورے یورپ کے کاسپلے سین میں پسند کیا جاتا ہے۔ ان کے ایک ایک کسٹمائزڈ کاسٹیوم کی قیمت تقریباً 10 لاکھ روپے تک ہوتی ہے۔ میکومی نے بتایا کہ ان کی مقبولیت اس وقت اور بڑھ گئی جب کچھ سال پہلے ‘پلے بوائے’ اور نیشنل ٹی وی نے ان کے کام اور آن لائن کنٹینٹ پر ایک بڑی ڈاکیومنٹری بنائی، جو ٹی وی، ریڈیو اور انٹرنیٹ پر زبردست وائرل ہوئی۔ اس کے علاوہ وہ اونلی فینز پلیٹ فارم پر بھی اپنے سبسکرائبرز کے لیے ایکسکلوسیو کنٹینٹ بناتی ہیں۔
روزانہ رات کے کھانے کے بعد الائچی کھانے کے حیرت انگیز فائدے!
200 لوگوں کے گاؤں میں بھی پڑوسی نے دے دیا کام!
میکومی کو لگ رہا تھا کہ گاؤں میں کوئی ان کے کام کو نہیں جانتا، لیکن حال ہی میں ان کے ایک پڑوسی نے ان کے گھر کا دروازہ کھٹکھٹایا۔ اس پڑوسی کے ہاتھ میں مشہور اینی می سیریز ‘ناروتو’ کا ایک چھوٹا سا ہتھیار تھا۔ پڑوسی نے میکومی سے کہا کہ کیا وہ اس کے لیے ایسا ہی ایک بڑا ہتھیار بنا سکتی ہیں؟ میکومی ہنستے ہوئے کہتی ہیں کہ ان کے کپڑے پہننے کا انداز ہر دن بدلتا ہے۔ کبھی وہ بھاری بھرکم جادوئی زرہ پہنتی ہیں، کبھی بلی کے کان لگاتی ہیں، تو کبھی بالکل سادہ ونٹیج فراک میں نظر آتی ہیں۔ لیکن اس سب کے درمیان انہیں یہ سمجھ آ چکا ہے کہ انٹرنیٹ کی دنیا میں آپ جتنی بڑی پہچان بناتے ہیں، پرائیویسی کی قیمت آپ کو اتنی ہی زیادہ چکانی پڑتی ہے۔
نیوز18اردو ہندوستان میں اردو کی سب سے بڑی نیوز ویب سائٹس میں سے ایک ہے۔ برائے مہربانی ہمارے واٹس چینل کو لائیو، تازہ ترین خبروں اور ویڈیوز کے لئے فالو کریں۔آپ ہماری ویب سائٹ پر خبروں، تصاویر اور خیالات کے ساتھ ساتھ انٹرٹینمنٹ، کرکٹ جیسے کھیلوں اور لائف اسٹائل سے منسلک مواد دیکھ سکتے ہیں۔ آپ ہمیں، ایکس، فیس بک، انسٹاگرام، تھریڈز،شیئرچیٹ، ڈیلی ہنٹ جیسے ایپس پر بھی فالوکرسکتے ہیں۔