کھڑگے نے نئے انتخابات کا مطالبہ کر دیا، بیلٹ پیپر سے الیکشن کرانے کی اپیل
3 اکتوبر 2026 | کلبرگی( شیخ سلیم)
کانگریس کے صدر ملکارجن کھڑگے نے آج لوک سبھا اور ریاستی اسمبلیوں کو تحلیل کر کے نئے سرے سے انتخابات کرانے کا مطالبہ کیا ہے۔ انہوں نے یہ بھی اپیل کی کہ نئے انتخابات ای وی ایم کے بجائے بیلٹ پیپر کے ذریعے کرائے جائیں۔
کھڑگے اپنے اس مطالبے کو ووٹر لسٹوں کی خصوصی گہری نظرثانی (SIR) اور انتخابی عمل میں مبینہ بے ضابطگیوں سے متعلق اپوزیشن کے خدشات سے جوڑ کر دیکھ رہے ہیں۔ انہوں نے الیکشن کمیشن اور چیف الیکشن کمشنر و دیگر کمشنروں کی تقرری اور ان کے تحفظ سے متعلق 2023 کے متنازع قانون پر بھی تنقید کی۔ یہ باتیں کھڑگے کی جانب سے لگائے گئے سیاسی الزامات ہیں۔ راہول گاندھی برسوں سے ووٹ چوری، انتخابات میں دھاندلی، SIR کے ذریعے ناموں کے اخراج، انتخابات سے عین پہلے لاکھوں نام شامل کیے جانے، ایک ہی گھر میں درجنوں ناموں کے اندراج اور بہت کچھ کی شکایت کرتے آئے ہیں۔ وہ بہت سارے ثبوت بھی پیش کر چکے ہیں۔ اسی سب کے پیش نظر اب کاکروچ جنتا پارٹی نے ممبئی اور دہلی میں 2 اکتوبر سے گیانیش کمار کے استعفے کے مطالبے پر تحریک شروع کر رکھی ہے۔
اپوزیشن نے آئندہ کی کارروائی کا اعلان کیا ہے۔ اس میں 6 اکتوبر کو دہلی میں الیکشن کمیشن کی طرف مارچ بھی شامل ہے۔ یہ مہم SIR اور انتخابی شفافیت سے جڑے مسائل کو لے کر چلائی جا رہی ہے۔
کھڑگے کے مطالبے سے خود بخود پارلیمنٹ یا ریاستی اسمبلیاں تحلیل تو نہیں ہوں گی، لیکن اس کی ساکھ پر سوال ضرور اٹھائے جائیں گے۔ اس کے لیے آئین میں طے شدہ طریقۂ کار پر عمل کرنا اور نئے انتخابات کرانا لازمی ہوگا۔
مجموعی طور پر، کھڑگے کا یہ بیان SIR، ای وی ایم اور الیکشن کمیشن سے جڑے مسائل پر اپوزیشن کی مہم کو مزید تیز اور مضبوط کرنے والا ہے۔ آج پورے ملک میں اسی پر گفتگو ہو رہی ہے۔احتجاج مزید تیز ہونے کی امید ہے، پورے ملک میں ایلکشن کمیشن کے خلاف ماحول پیدا ہو گیا ہے جگہ جگہ احتجاج ہو رہے ہیں۔
